Kryeministri Edi Rama ka ndarë me ndjekësit në rrjetet sociale, pamjet nga aeroporti i Kukësit.
Ai e ka nisur ditën me publikimin e pamjeve nga punimet për ndërtimin e aeroportit të Kukësit, që tashmë nuk është vetëm në 3D sikurse e akuzon opozita, por është një vepër që po realizohet nga dita në ditë.
Kreu i qeverisë shprehet se ky është një projekt i shumë ëndërruar, që do ta kthejë qytetin e Kukësit në një pol ekonomik të verilindjes.
Statusi
MIRËMËNGJES
dhe me kantierin e Aeroportit të Kukësit, ku falë punës që vazhdon intensivisht po merr formë terminali i ri i pasagjerëve, po bëhet zgjatja e zgjerimi i pistës dhe po realizohet sipas standardeve të Bashkimit Europian një projekt i shumë ëndërruar, që do ta kthejë Kukësin në një pol ekonomik të verilindjes e do të përcaktojë fuqishëm të ardhmen e ekonomisë së Shqipërisë verilindore, ju uroj një ditë të mbarë.
