Policia e zbarkuar në zonën e Bregut të Lumit që prej orëve të para të ditës, janë përplasur me ish-deputetët e Partisë Demokratike. Blutë e Tiranës nuk kanë lejuar ish-deputetët Aldo Bumçi dhe Klevis Balliu të afrohen tek zona ku planifikohet të shemben 38 shtëpi, në kuadër të zgjatimit të Bulevardit të Ri të Tiranës.
Balliu njofton se deri tani policia ka shoqëruar disa persona në Komisariatin nr 4. Po sipas tij, një gruaje të shoqërur në rajon i kanë thyer këmbën, dhe një burri i kanë çarë kokën. Ai shkruan në Facebook se kryeministri Rama, po kryen akte barbare ndaj banorëve të Bulevardit të Ri. Po kështu, po vret qytetarët brenda shtëpive të tyre.
