I ‘penduari’ i drejtësisë duket se ka zbuluar të dhëna të forta sa i takon operacionit “Shpirti”. Hetimet e SPAK dhe Anti-Mafias janë zgjeruar në Shqipëri në kuadër të operacionit “Shpirti”. Të dyshuar si pjesë e grupit edhe gazetarë shqiptarë që lobonin për llogari të aktivitet kriminal të të arrestuarve. Në përgjimet e operacionit “Shpirti”, ka dalë edhe 1 gazetar, që paguhej nga grupet kriminale për të fshehur parcelat e tyre me kanabis dhe për të denoncuar në emisione të rivalëve. Gjithçka është zbuluar nga ‘i penduari’ i drejtësisë i cili ka rrëfyer gjithçka, mirëpo ka edhe përgjime.
Nga përgjimet e SPAK e Anti-Mafias rezulton se mes pjesëtarëve te grupit kriminal flitet për pagesa të konsiderueshme në euro, që do paguhej në emisione dhe për gazetarët.
Operacioni “Shpirti”
Operacioni “Shpirti” është ende duke vijuar dhe ndjekur nga prokurorët Vladimir Mara e Dritan Prençi, ndërsa pritet që në pak ditë përballë drejtësisë të jenë të tjerë persona. Sipas dëshmitarëve të drejtësisë, ky grup kriminal kishte akses nga fikja e radarëve e deri tek mbyllja e proceseve. Rruga tokësore për të mos prekur askush drogën sigurohej nga ish-nëndrejtori i Vlorës, Ilirjan Balla. Në krye të këtij grupi sipas dëshmitarëve ishte Ilirjan Zaimi dhe dy ish truprojat e ish-ministrit Saimir Tahiri, Agustin Deda dhe Hekuran Marku tashmë të shpallur në kërkim. Ata dyshohet se fshihen në Spanjë, ndërsa policia shqiptare e SPAK po bashkëpunon me homologët e tyre për t’i arrestuar.
