Së fundmi një autoambulancë nga Kavaja ka mbërritur tek Spitali Infektiv. Raportohet se nga autoambulanca ka zbritur një person i dyshuar me COVID-19.
Personi i dyshuar por edhe stafi që e shoqëronte ishin të veshur me veshjen përkatëse dhe të maskuar, shkruan “BW”.
Pacienti ka ecur me këmbët e tij drejt spitalit dhe në këto momente po i nënshtrohet testit për virusin.
Aktualisht në këtë spital numri i të shtruarve është 30 persona, 3 prej të cilëve ndodhen në terapi intensive.
Kujtojmë se deri më tani në vendin tonë, nga përhapja e pandemisë së koroanvirusit kanë humbur jetën dy persona, një grua 73-vjeçare nga Durrësi dhe një 66-vjeçar nga Lushnja.
Të dy personat kishin pasur histori udhëtimi në Itali.
