Ka nisur takimi mes kreut të PD, Lulzim Basha, aleatëve të tij dhe presidentit Meta.
Mirëpo ajo çfarë bie në sy në këtë takim është mungesa e kryetares së LSI, njëkohësisht bashkëshortes së Metës, Monika Kryemadhi.
Nuk dihen arsyet e mungesës së saj në këtë mbledhje të rëndësishme për opozitarët dhe jo vetëm. Mësohet se ajo ka dërguar në vend të saj nënkryetarin e LSI-së, Petrit Vasili. Nga ana tjetër bëhet me dije se edhe Basha ka mbërritur më vonesë në Presidencë. Gjatë këtij takimi pritet të diskutohet rreth çështjes së krizës politike por jo vetëm.
Bëhet me dije se pas këtij takimi me opozitën, Meta ka planifikuar edhe disa takime të tjera. Ndër to, do të ketë edhe një takim me Këshillin e Ambasadorëve Shqiptarë, një organizatë e pavarur, jo fitimprurëse, themeluar së fundmi nga një grup ish-ambasadorësh.
President i kësaj organizate është Besnik Mustafaj, ish-ambasador i Shqipërisë në Francë dhe ministër i Jashtëm.
