Teknologjia ka avancuar shumë, e ndërsa shihet si mjeti më efikas për monitorimin e situtës. Në një kohë kur koronavirusi po shkakton vdekje masive, qeveria shqiptare e ka parë të udhës që të ‘fusë në lojë’ dronët. Kjo pajisje do të vëzhgojë të gjithë qytetarët që lëvizin pa ndonjë arsye.
Ministri i Brendshëm, Sandër Lleshaj, teksa ka dalë vetë në terren duke parë pajisjen e re që do të vërë në funksion policia, ka theksuar se me shtimin e fashës orare, do të shtohen edhe kontrollet. Për të gjitha rastet abuzive, nga sot do të vihen në funksion edhe dronët inteligjentë.
Dronët inteligjentë do të mundësojnë identifikimin e personave që shkelin itinerarin që do të përshkojnë. “Jam këtu për të ndjekur një demonstrim të policisë, me pajisjet më të reja që do përdoren për parandalimin e virusit.
Me zgjerimin e fashave të orareve për qytetarët, për policinë do të thotë më shumë punë dhe kontroll. Duhet t’u bëj thirrje qytetarëve që zgjerimi i fashave orare do të thotë që thjesht është zgjeruar mundësia për ata që shkojnë në punë dhe për të zgjidhur nevoja imediate jetësore. Të gjithë të tjerët që dalin jashtë këtyre arsyeve, do të ndëshkohen nga policia.
Dronët inteligjentë do të mundësojnë identifikimin e personave që shkelin dhe itinerarin që do të përshkojnë. Ftoj qytetarët për bashkëpunim dhe për mirëkuptim dhe moskeqkuptim të zgjerimit të fashës orare, e cila synon mosgrumbullimin”, tha Lleshaj.
