Avokati Spartak Ngjela zbuloi në studion e Repolitix, një bisedë me kryeministrin Edi Rama, ku sipas tij, ky i fundit i ka rrëfyer se nga reforma në drejtësi preken tre-katër ministra të tij. Ai ka thënë se gjithçka nis nga Parlamenti, lidhur edhe me funksionin e institucioneve të tjera. Ngjela duke folur me letra të hapura, solli në fokus një bisedë të bërë me kryeministrin, ku e ka vënë në dijeni se disa ministra do të preken nga reforma në drejtësi.
“Duhet të keni parasysh një gjë, se çdo gjë nis nga parlamenti. Nëse funksionon ai, funksionojnë të gjithë institucionet. Ik bëj betejë legale. Minimuni tre-katër ministra shkojnë në betejë. Rama më ka thënë vetë, se mua më kap tre ose katër ministra reforma në drejtësi. Gjyqet do jenë publike.
Do të thotë se kjo shishe ujë kushton kaq. Dalin gjyqtarët që thonin pasurinë e kam nga gjyshja. Gjyshja ishte në kasolle. I kupton çfarë budalliqesh po flasin? Spikerja e Zërit të Amerikës i tha Metës; a nuk ju vjen zor që jeton në luks, kur populli është i varfër?!”, tha më tej Ngjela.
