Avokati i njohur, Spartak Ngjela, ka komentuar marrëveshjen e shumëpërfolur mes PS dhe PD, duke u shprehur se marrëveshja është në interes të të dyve, pasi nuk duan ndryshimin e sistemit.
I ftuar në emisionin ‘Open’ në Top Channel, Ngjela hodhi poshtë edhe diskutimet për një marrëveshje Rama-Meta apo Rama-Basha, pasi sipas tij, tanimë do të vendosë Komisioni i Venecias.
“Çfarë do të thotë marrëveshje? Marrëveshje do të thotë interes. Basha dhe Rama kanë interes të përbashkët mos-ndryshimin e sistemit. Një sistem të cilët nuk votojnë dot as emigrantët. Ata kërkuan Komisionin e Venecias, tani ajo do të japë verdiktin përfundimtar. Pa Venecian janë rehat këta. Tani vendos Venecia dhe jo këta”, u shpreh Ngjela.
