Avokati Spartak Ngjela, është shprehur se palët politike nuk kanë mundësi të sabotojnë Reformën në Drejtësi, pasi pas kësaj reforme është interesi amerikan. Në një intervistë në studion e “Abc News”, Ngjela rrëfeu disa episode nga bisedat me kryeministrin Rama, në kohë të ndryshme, për Reformën në Drejtësi. Ai tha më tej se populli është revoltuar, ndërsa e di gjëndjen e klasës politike.
Madje Ngjela paralajmëroi se populli nuk do e lë me kaq, por do t’u nxjerin vilat që kanë. Sipas tij, politikanët nuk luajnë për interesin shqiptarë dhe se qytetarët janë në dijeni.
“Të gjithë pushtetarët që kanë psiqikë jo të rregullt, dhe që janë duke rënë nga pushteti, o përfundojnë si Makbethi ose i drejtohen popullit për kryengritje. Cilit popull i drejtohet kur populli e di që ka vjedhur?
Është pamundësi absolute. Do vazhdojnë tu nxjerrin vilat që kanë. Nuk mund ti pranojë populli se kanë ardhur më këpucë të Gjirokastrës, nuk kanë ardhur me pallatet e gjyshit.
Nuk kishte as nga ata të cilëve u ishte marrë prona. E konsideronte veten të djathtë Saliu, por nuk vinte nga e djathta. Kishte një kopsht të vogël në Bajram Curr dhe tani kanë pallate.
Këta nuk luajnë për interesin shqiptar, dhe ky fakt tregon se diku janë lidhur. Si do e tregojë ai interesin për Shqipërinë? Ambasadorja amerikane tha që është e vështirë, por ne do e vendosim. Po të kishte drejtësi të pavarur në Shqipëri, nuk do kishte korrupsion”, tha Ngjela.
