Një ngjarje e rëndë ka ndodhur në Itali. Sipas medieve vendase një shtetas shqiptar ka humbur jetën si pasojë e goditjeve të shumta me thikë që i janë bërë. Mësohet se viktima është 30 vjeç. Megjithatë, ende nuk është bërë i ditur identiteti i viktimës.
Sipas raportimeve, trupi i shqiptarit është gjetur në një cep rruge në Porto Sant’Elpidio nga një kalimtar.
Gjatë kontrollit që policia ka bërë në trupin e viktimës janë dalluar shumë plagë në shpinën e tij, çka ka bindur policinë që ka qenë vrasje e planifikuar.
Dyshimet janë që ai është vrarë fillimisht në një vend tjetër dhe hetimet vazhdojnë për të zbuluar autorët dhe arsyet që çuan në vrasjen e shqiptarit.
