Meta, në konferencën e jashtëzakondshme për media, foli në lidhje me konfliktin e tij me mazhorancën lidhur me emërimin e anëtareve të Gjykatës Kushtetuese. Meta tha se Ardian Dvorani, kryetar i KED, i ka kthyer përgjigje brenda ditës në fund të vitit Kuvendit te Shqiperisë, duke mashtruar në lidhje me qëndrimet dhe veprimet e Presidentit të Republikës.
Ai i mëshoi fort faktit se Dvorani duhet të shkarkohet. Lidhur me veprimet e tij dhe faktet e reja të gjetura, do të bëjë një shtesë padie në kallëzimin që është dorëzuar tashmë në Prokurori ndaj Dvoranit.
Presidenti e cilësoi grusht shteti votimin që Kuvendi i Shqipërisë i bëri ligjit për emërimin e anëtarëve të Gjykatës Kushtetuese edhe pa betim tek presidenti.
“Në një kohë që i kishin kërkuar interpretim Komisionit të Venecias, në datën 12 shkurt votuan ndryshimin e ligjit, ç’ka përbën ndërhyrje pikërisht në një nga çështjet për të cilat kishin kërkuar interpretim nga Komisioni i Venecias”, tha Meta.
