Pas ngjarjes së rëndë ndodhur mbrëmjen e djeshme, për mediat është zbardhur edhe imazhi i familjes që u vetëflijua, pasi besonin tek ringjallja dhe një jetë më e mirë.
Ky rast u shënua në Kombinat, ku u gjetën të pajeta nëna me të bijën, Zhaneta dhe Anisa Josifi, ndërsa vajza tjetër Blerta Josifi ndodhet në spital në gjendje të rëndë.
Mësohet se 30-vjeçarja Anisa Josifi është gjetur gjysmë e dekompozuar, ndërsa dyshohet se ka vdekur disa ditë më parë. Sinjalizimin për ngjarjen e dha vëllai i Zhaneta Josifit, i cili nuk arrinte dot që të komunikonte dot me to.
Fillimisht në banesë kanë hyrë nga dritarja punonjësit e zjarrfikëses, pasi dera e apartamentit ka qenë e mbyllur nga brenda. Ata kanë zbuluar skenën e rëndë.
Njëra prej vajzave që besohet se kishte humbur jetën disa ditë më parë, por edhe nëna që u gjet e pajetë, kishin shenja të mos-ushqyerjes.
Ekspertiza mjeko-ligjore pritet të hedhë më tepër dritë mbi këtë ngjarje të rëndë. Raportimet e para tregojnë se ato ishin besimtare të Jehovait dhe kanë sakrifikuar veten duke ndenjur pa ujë e pa ushqim deri në vdekje, për t’u ringjallur sërish në një botë tjetër.
