Delegacioni i Komisionit të Venecias ka zhvilluar sot takimin e fundit për grumbullimin e fakteve për përplasjet president-kuvend në lidhje me emërimin e gjyqtarëve të Gjykatës kushtetuese. Takimi i fundit i planifikuar ka qenë me anëtarët e Këshillit të Emërimeve në Drejtësi.
Vizita ishte në kuadër të dhënies së opinionit “Për të kontrolluar ligjshmërinë e veprimeve dhe procedurës së ndjekur nga Presidenti i Republikës në kuadër të emërimit të gjyqtarëve kushtetues”.
KED-ja ka njohur delegacionin me punën e institucionit të zhvilluar gjatë dy viteve të fundit dhe ka dorëzuar informacione mbi debatin dhe përplasjet që kanë pasur me institucionin e presidentit.
