Një gjendje e jashtëzakonshme është shpallur në New York, pasi u godit nga reshjet rekord të shiut dhe përmbytjet, si pasojë e stuhisë tropikale Ida.
Kryebashkiaku Bill de Blasio tha se qyteti “po duronte një ngjarje historike të motit” me “përmbytje brutale” dhe “kushte të rrezikshme” në rrugë.
Pamjet në mediat sociale treguan ujin që derdhej në stacionet e metrosë, shtëpitë e banorëve dhe përmbytën rrugët.
New Jersey gjithashtu shpalli një emergjencë dhe raportoi të paktën një vdekje.
Një person u mbyt në Passaic, New Jersey, tha kryebashkiaku lokal. Një tornado gjithashtu shkatërroi të paktën nëntë shtëpi në Mullica Hill, në të njëjtin shtet.
Kulmi i një ndërtese postare u shemb në Kearny, New Jersey, me njerëz brenda në atë kohë, tha policia. Ekipet e shpëtimit janë në vendngjarje, por nuk është e qartë se sa të lënduar mund të ketë.
Burimi i lajmit: BBC. Përshtatur nga Tirana Today
