Ditën e sotme në orën 15:00, do të mbahet një takim mes ambasadorit të OSBE-së në Tiranë, Bernd Borchardt, dhe kreut të PD-së, Lulzim Basha.
Takimi vjen një ditë para konferencës së thirrur nga OSBE, në kuadër të reformës zgjedhore. OSBE u ka dërguar ftesa partive politike, për të marrë pjesë në tryezën gjithëpërfshirëse, që do të organizohet nga OSBE.
Ndërkohë, deri më tani, Partia Demokratike bashkë me aleatët e saj, nuk e kanë konfirmuar ende ftesën e OSBE-së. Kujtojmë, që disa ditë më parë, kryeministri Edi Rama ftoi opozitën që të bëhet pjesë e kësaj tryeze.
