Ambasada Amerikane në Tiranë, ka apeluar ndaj qytetarëve të saj për të shmangur zonat ku do të ketë tubim nesër, në protestën e thirrur nga Sali Berisha në selinë e PD-së. Në informacionin e shpërndarë në faqen zyrtare të saj, Ambasada Amerikane këshillon qytetarët amerikanë, që të shmangin çdo tubim të madh në qytet. Ambasada informon qytetarët se disa situata mund të ndryshojnë shpejt dhe në mënyrë të paparashikueshme, dhe pjesëmarrësit mund të zhvendosen në pjesë të tjera të qytetit.
Berisha sulmoi sërish Bashën sot. Ish-Kryeministri u shpreh se disponojnë emra të personave me të kaluar kriminale që ndodhen brenda selisë së PD, të cilëve u bën thirrje që të largohen.
MESAZHI I AMBASADES AMERIKANE
Mesazh për qytetarët amerikanë: Protesta e planifikuar më 8 janar 2022
Vendndodhja: Tiranë: Selia e Partisë Demokratike
Data/Ora: E shtunë, 8 janar 2022, duke filluar nga ora 12:00
Qytetarët amerikanë njoftohen se një grup ka bërë thirrje për protestë në selinë e Partisë Demokratike.
Qytetarët amerikanë këshillohen të shmangin çdo tubim të madh në qytet. Ndërsa shumë organizime të mëdha publike mund të zhvillohen në mënyrë paqësore, disa situata mund të ndryshojnë shpejt dhe në mënyrë të paparashikueshme dhe pjesëmarrësit mund të zhvendosen në pjesë të tjera të qytetit.
Monitoroni mediat lokale për informacionet më të fundit dhe ndiqni udhëzimet e autoriteteve lokale të zbatimit të ligjit.
Veprimet që duhet të bëni:
Shmangni tubimet e mëdha dhe çdo zonë ku demonstratat janë të pashmangshme ose në vazhdim.
Jini të informuar për vendin ku ndodheni.
Monitoroni mediat lokale për përditësime.
