Ndonëse është caktuar në orën 10:00, sipas të gjithë gjasave, orari i seancës mund të ndryshojë në minutë të fundit. Opozita ka përcjellë mesazhe të njëpasnjëshme se nuk do tërhiqet nga protesta, dhe se çdo tentativë nga ana e qeverisë nuk do ti ndalë në misionin e tyre.
Pritet që nesër të mblidhet Kuvendi, e ndërsa deputetët janë njoftuar për mbajtjen e seancës në orën 10:00. Por burime për ‘Report Tv’, nga Konferenca e Kryetarëve të grupeve parlamentare sot paradite, thonë se nuk përjashtohet ndonjë ndryshim i mundshëm i orës së seancës në momentet e fundit.
Në seancën e së martës, veç rendit të ditës, pritet të betohen edhe 4 deputetët e rinj të Lëvizjes Socialiste për Integrim. Janë 4 kandidatët e listave zgjedhore të 2017-ës, që pranuan mandatin e deputetit, pas dorëheqjes së opozitës së bashkuar.
