Robert Berisha ka konfirmuar ndarjen nga këngëtarja e njohur Nora Istrefi. Përmes një postimi në llogarinë e tij në “Instagram”, Berisha shkruan se kjo zgjedhje që ata kanë bërë, nuk i pengon në vazhdim për të qenë miq të mirë.
Këngëtari, nuk ka hezituar të shfaqë mirënjohjen e tij ndaj Nora Istrefit, të cilën e falenderon publikisht për kujtimet e bukura që kanë kaluar gjatë gjithë kësaj kohe që kanë qenë bashkë dhe në veçanti për faktin që ka sjellë në jetë vajzën e tyre, Renee.
Ndër të tjera, krahas fotos që këngëtari ka zgjedhur të postojë në profilin e tij, thekson se “i është borxh gjithë jetën”.
“Portale të nderuara dhe ju fansa! Ju kam premtuar që keni për ta marr vesh prej meje e skeni nevojë të lodheni e me kliku në çdo titull që e bëjnë portalet. Eshte punë e tyre dhe mjeshtri e gazetareve qe dinë me nxjerr ashtu titujsh..Unë edhe Nora nuk jemi më bashke, por gjithë jetën do jemi babi dhe mami i Renees, loqkës tonë..dhe shokë të mire deri ne vdekje. Nëse nuk ka më dashni mes një çifti, nuk dmth të bëhesh armik e t’ja kthesh shpinën. Bëhuni pozitiv e qeshni sa më shumë edhe respektojeni edhe atë qe s’ju do të mirën se sen sbohet. Përmes këtij postimit @noraistref e falenderoj shumë që ma ka pru në jetë një fëmijë si Renee…edhe shumë kujtime të bukura prej 2006..Noriq -Tkom borxh tan jetën. I wish you all the best”, shkruan Berisha.
