Ambasadori i BE Luigi Soreca përgjatë një deklarate theksoi se në mënyrë që Shqipëria të ulet në tryezë me BE duhet të plotësojë disa kushte.
Sipas tij, kushtet lidhen në mënyrë të drejtpërdrejtë me Reformën Zgjedhore, vazhdimin e Reformës në Drejtësi dhe së treti me krijimin e strukturave të reja të drejtësisë.
Luigi Soreca: “Në mënyrë që Shqipëria të ulet në këtë tryezë të përbashkët me BE për konferencën ndërqeveritare do të duhet të përmbushë:
Së pari reformën zgjedhore të miratuar në mënyrë të plotë dhe linjë të plotë me rekomandimet e OSBE/ODIHR që do të thotë transparenca e financimit të partive politike, fushatave zgjedhore etj.
Së dyti vazhdimi i Reformës në Drejtësi, që do të thotë funksionimi i plotë i Gjykatës Kushtetuese dhe Gjykatës së Lartë dhe këtu opinioni i Komisionit të Vencias do të merret parasysh.
Së treti do të jetë edhe krijimi i strukturave të specializuara antikorrupsion, flasim për SPAK dhe BKH. Shqipëria do të duhet të fuqizojë luftën kundër korrupsionit dhe krimit të organizuar duke bashkëpunuar me shtet anëtarë në veçanti edhe për çështje që kanë të bëjnë me pastrimin e parave.
Po ashtu Shqipëria do të duhet të fuqizojë luftën kundër korrupsionit dhe krimit të organizuar duke bashkëpunuar me shtet anëtarë në veçanti edhe për çështje që kanë të bëjnë me pastrimin e parave. Puna të vazhdojë për të gjitha gjërat që janë përmendur në dokumentin e këshillit, që flet për luftën kundër emigracionit të parregullt, shtetasve anëtarë që kërkojnë azil në BE.
Duhet bërë punë për ndryshimin e ligjit për mediat. Këtu i rëndësishëm do të jetë opinioni i Komisionit të Venecias.
Puna duhet të vijojë edhe për ato elementë të tjerë që janë përmendur që vjet në shtator në dokumentin e Bundestagut gjerman. Puna duhet të vazhdojë për çështjen e mbrojtjes së të drejtave të njeriut, për mbrojtjen e pakicave kombëtare, puna për censusin, të drejtat e pronësisë”.
