Ministri Gent Cakaj ka zhvilluar gjatë paradites së sotme një interpelancë me ekspertë të fushës së integrimit, dhe me studentë. Gjatë bashkëbisedimit me studentët, Cakaj ka folur dhe për rrugën se ku ndodhet Shqipëria drejt BE-së. Sa i takon negociatave, ministri tha më tej se ky është një proces që nuk varet vetëm nga ana e Shqipërisë, por edhe nga zhvillimet e tjera në Evropë.
“Ne kemi një konfirmim paraprak politik të Komisionit. Shqipëria qëndron në avantazh, dhe me shpresa për hapjen e negociatave me BE. Ky është një proces që nuk varet vetëm nga ana e Shqipërisë, por edhe e zhvillimeve të tjera në Evropë.
Ne jemi duke punuar jo vetëm për të hapur negociatat, por për të qenë në pozicionin e duhur edhe pasi të hapen negociatat.
Ne nuk mund të operojmë mbi situata me pikëpyetje, por ne jemi të angazhuar për hapjen e negociatave në tetor. Shqipëria dhe Maqedonia duhet të hapin negociatat në të njëjtën kohë, por këtu nuk duhet harruar se ekziston edhe një pako e Bashkimit Europian, e cila bazohet mbi kushtet e arritura”, u shpreh Cakaj.
