Këshilli Evropian ka nxjerrë një dokument në të cilin thuhet se çështja e negociatave për Shqipërinë dhe Maqedoninë e Veriut, do të diskutohet sërish në maj të 2020-ës.
Në dokumentin zyrtar bëhet e ditur se Këshilli Evropian do të diskutojë sërish për një vendim për negociatat e dy vendeve në maj para samitit BE-Ballkan Perëndimor që do të mbahet në Zagreb.
Franca ishte një nga shtetet e cila dha një ‘JO’ të prerë për vendin tonë. Në fjalën e tij në foltoren e Këshillit Evropian, Macron tha se reformat e ndërmarra nga Shqipëria nuk mjaftojnë, dhe se fillimisht BE duhet të zgjidhë vështirësitë që ka brenda vetes.
“Shqipëria po kalon në disa reforma të mëdha. Është bërë progres, por akoma nuk është plotësisht gati. Ka problem me emigrimin, diskutimi ishte i dobishëm veçanërisht për vizionin e Evropës. BE nuk është duke punuar shumë mirë, ka disa probleme të brendshme, ka nevojë për reformim të brendshëm.
Dihet që nëse si hapim dyert ndoshta nuk do të ketë përpjekje nga ana e tyre për reformat, megjithatë kjo nuk na bën që të ndryshojmë qëndrim”, u shpreh presidenti i Francës.
