Një ndër personazhet e protestës së sotme ishte edhe Damian Gjiknuri. Ndërsa në Tiranë po protestohet, ish-ministri Damian Gjiknuri ka zgjedhur që të relaksohet, ndërsa do të shijojë koncertin e Carla Bruni-t në Butrint.
Gjiknuri i kapur në përgjimet e “Bild”, ku dëgjohet të komentonte dhe festonte me Imer Lalën fitoren e kandidatit të PS-së në Dibër në zgjedhjet e parakohshme të 2016-s, është parë t’i bashkohet pjesës tjetër të kabinetit qeveritar në koncertin e Carla Bruni-t.
Kujtojmë se në protestën e sotme, simbolet janë frymëzuar nga përgjimet e dosjes ‘339’ dhe ‘184’. Një krevat i madh, ku qëndrojnë të rinjtë me portretet e Edi Ramës dhe të personave me të cilët ai ka bashkëpunuar, si një organizatë kriminale për të vjedhur zgjedhjet. Poshtë emrit të Edi Ramës është nofka Babloku. Imer Lala thirret babloku i vogël, Damian Gjinuri është cilësuar me ironi si guru, Saimir Tahiri quhet El Chapo, Vangjush Dako tallet me nofkën akullorja, Erion Veliaj është quajtur me ironi fiku dhe Arben Keshi, personi që del në përgjime.
