Mesatarisht në qarkun e Tiranës shfaqen 5 deri në 6 vatra zjarri në ditë.
Lidhur me këtë çështje, kreu i zjarrfikëses, Shkëlqim Goxhaj bëri një thirrje të fortë.
Ai theksoi se qytetarët duhet të tregojnë kujdes me zgarat dhe bishtat e cigareve.
“Ne si qytetarë duhet të jemi të kujdesshëm në përdorimin e zgarave kur dalim në periferitë e Tiranës, sidomos në fundjavë… kur duam të eliminojmë mbeturinat bujqësore apo duam të hapim tokë të re për të mbjellë pemë frutore, asnjëherë nuk duhet të përdorim zjarrin. Ne duhet të jemi të kujdesshëm edhe kur flakim bishtin e cigares. Piku më i madh ka qenë në vitin 2017-të. Urojmë që ai vit mos të përsëritet më”, u shpreh Goxhaj për “abcnews.al”.
