Protesta e opozitës është shoqëruar me skena dhune, ku protestuesit kanë qëlluar më bomba molotov dhe mjete piroteknike në drejtim të godinave të Kryeministrisë dhe Parlamentit, ndërsa forcat e policisë u janë përgjigjur me ujë dhe gaz lotsjellës.
Një reagim i fortë i policisë ishte në momentin kur arrestoi sekretarin organizativ të PD-së, Seit Dollapi, ndaj të cilit ushtruan edhe dhunë. Një tjetër i dëmtuar ka qenë edhe gazetari i Top Channel, Besfor Kryeziu.
Presidenti Ilir Meta ka reaguar për arrestimin me dhunë të Dollapit dhe ka kërkuar që të mos mbahet në rajon, por të dërgohet në spital. Ministrja për Shtetit për Marrëdhëniet me Parlamentin Elisa Spiropali, ka replikuar në distancë me presidentin Meta, i cili kërkoi lirimin e menjëhershëm të Sait Dollapit.
Reagimi i Spiropalit:
Presidenti i Republikës ka ngatërruar padashje dhunuesin Sahit Dollapi, sekretar për protestat në PD, me të dhunuarin Besfor Kryeziu, gazetar i TCH, i dhunuar nga ndjekësit e zotit Dollapi!
Ai ka dashur të thotë që të çohet në spital Besfori jo Sahiti dhe prandaj, meqë të gjithë e mirëkuptojmë Presidentin kur ka protesta, thashe t’i vij në ndihmë me këtë korrigjim.
