Ish-deputeti i Partisë Demokratike, Aldo Bumçi, ka folu rreth aksioneve që opozita do ndërmarrë në ditët në vazhdim.
I ftuar në rubrikën ‘Opinion’ në News24, Bumçi u shpreh se PD pritet të nisë sërish protestat në shtator, kundër qeverisë Rama.
“Beteja për demokracinë, nuk ndodh aq shpejt, me mendje do e kishim rrëzuar që në protestën e pare. Pa mund nuk rrëzohet asgjë. Maduro në Venezuelë, i ka dalë e gjithë bota kundër, do rrëzohet, nuk ka jetë. Ai vijon, se një pushtet autoritar vijon mban njerëz kërcënon, edhe këtu Rama me lekët e drogës e kërcënime, dhe largime masive është një njeri pa oksigjen më i dobët se kurrë. shqiptarët dolën masivisht në protesta. Ne do vijojmë protestat, në shtator rifillojmë. Është folur për narkoshtet mes Evropës. Largimi i tij hap rrugën e shpresës, njerëzve sot iu mungon buka e përditshme”, tha Bumçi.
Bumçi ka komentuar edhe situatën e krijuar në Shkodër, teksa shprehet se ajo mund të konsiderohet një krizë e vogël në krahasim me ngërçin që ka mbërthyer vendin. Më tej, ish-deputeti akuzon kryeministrin Rama, se ai ndër vite ka persekutuar bashkitë e djathta duke iu hequr fondet.
“U përmend dosja e Dibrës, janë përgjime zyrtare të Prokurorisë, kanë tre vjet që i mbajnë. Pse Rama duhet të fitonte me çdo kusht Dibrën ne 2016, sepse do të marrë gjithçka. Zgjidhja është politike, nuk ka shpresë që zgjidhja të vijë nga drejtësia. Kjo dosje ka 3 vjet, Arta Marku duhet të bënte gjithçka që ajo të hetohej. Në Shkodër, Pjetri doli i dënuar për trafik droge. Kjo nuk është rrufe në qiell të hapur, patën në këto vite, drejtore me më shume të drejta se deputetet. Rama ka sjell një armatë njerëzish të dënuar, që venë në lëvizje rrjetin kriminal, burimin e drogës. kjo është kriza e Shqipërisë”, deklaroi Bumçi.
