Eksperti i sëmundjeve infektive në SHBA dhe konsulent i Shtëpisë së Bardhë, Anthony Fauci ka dalë me disa deklarata tronditëse sa i përket përhapjes së koronavirusit në Amerikë.
Ai është shprehur se miliona amerikanë do të infektohen nga virusi Covid-19, teksa shton se rreth 100-200 mijë njerëz do të vdesin.
Fauci është gjithashtu edhe drejtor i Institutit Kombëtar të Alergjisë dhe Sëmundjeve Infektive.
Në pak ditë SHBA është kthyer në vendin që numëron më shumë të infektuar nga koronavirusi vdekjeprurës. Nga 685,467 raste të konfirmuara në të gjithë botën, rreth 125 mijë prej tyre janë regjistruar vetëm në SHBA.
Ekspertët e OBSH-së paralajmëruan disa ditë më parë se Amerika mund të kthehej në epiqendrën më të re të koronavirusit.
Ndërkohë rreth 1/3 e numrit të infektuarve në SHBA, regjistrohet vetëm në shtetin e New York-ut.
