Prej javësh tashmë Italia nuk po gjen qetësi për shkak të pasojave të rënda që ka sjellë përhapja e koronavirusit në vend.
Në 24 orët e fundit në shtetin fqinj janë regjistruar 756 viktima duke e çuar numrin total të vdekjeve nga Covid-19 në 10,779.
Ndërkohë janë konfirmuar edhe 3,851 raste të reja me koronavirus. Në krahasim me ditët e tjera këto shifra janë të qëndrueshme, por prapë mbeten shifrat më të larta të raportuara nga të gjithë vendet e botës.
664 persona janë shëruar në orët e fundit, duke e çuar kështu në mbi 13 mijë numrin e pacientëve të shëruar.
Deri më tani në Itali janë shënuar mbi 97 mijë raste infektimi me virusin Covid-19. Nga këto raste, më shumë se 73 mijë e tyre vijojnë të jenë aktive.
Prej tyre, 58% janë në izolim në shtëpi, pa simptoma ose me simptoma të buta.
Italia vijon të mbetet shteti me numrin më të madh të viktimave të shënuara nga koronavirusi. Më shumë se 32 mijë njerëz kanë humbur jetën nga koronavirusi, pra rreth 1/3 e tyre janë shënuar vetëm në Itali.
