“Ata që mungojnë në mitingun e Partisë Socialiste, pushohen nga puna”, është ky denoncimi i bërë nga zyrtari i larti Partisë Demokratike, Dorjan Teliti.
Ky i fundit ka publikuar një mesazh në Facebook, ku shkruhet se kryebashkiaku Erjon Veliaj ka urdhëruar që të gjithë punonjësit e Bashkisë të dalin me detyrim nesër në orën 11:00 te Akademia e Arteve, së bashku me familjarët, ose të japin dorëheqjen.
“Ata që mungojnë, pushohen direkt nga puna. KJO DUHET TË MARRË FUND! I ftoj të gjithë ata që detyrohen të duartrokasin nëpërmjet shantazhit të vendit të punës, të na bashkohen në përpjekjen tonë për ta bërë Shqipërinë si Europa!”, shkruan Teliti.
Postimi i Telitit:
Fletërrufeja e partisë-bashki për punonjësit e administratës.
Të gjithë në rresht për të duartrokitur “liderin” botëror në kongresin e partisë, në të kundërt pushohesh nga puna.
Në mbledhjet e organizuara me administratën e bashkisë së Tiranës, u është kërkuar drejtorëve të mos tolerojnë asnjë mungesë në sheshin “Nënë Tereza” në aktivitetin partiak të kryebashkiakut vetëm pak metra larg pallatit të kongreseve ku do të mbahet Kongresi i PS-së.
Ata që mungojnë, pushohen direkt nga puna.
KJO DUHET TË MARRË FUND!
I ftoj të gjithë ata që detyrohen të duartrokasin nëpërmjet shantazhit të vendit të punës, të na bashkohen në përpjekjen tonë për ta bërë Shqipërinë si Europa!
#ShqipëriasiEuropa #SistemiEnveristnëAksion #StopArbitraritetit
