E hënë, 16 Maj, 2022
27.5 C
Tirana

Në lokale me dëshmi të vaksinimit/Spaho: S’mund të vendosim policë ngado

Në mbledhjen e Komisionit të Ekonomisë, deputeti i PD-së Edmond Spaho kërkoi nga Ministrja e Shëndetësisë, Ogerta Manastirliu, që të merren masa të qarta për administrimin e hyrjes së personave në bare dhe kafene, me çertifikatën e vaksinimit. Spaho mbetet skeptik për vendosjen  e “Green pass”, pasi administrimi është i pakët dhe kultura e zbatimit të ligjit këtu te ne është e ulët. Në kundërpërgjigje, ministrja Manastirliu u shpreh se Ministria po bashkëpunon me universitetet për ndjekjen e mësimeve nga studentë të vaksinuar, dhe se pajisja me çertifikatë të vaksinimit po vlerësohet pozitivisht nga institucioni që përfaqëson.

Debati:

Spaho: Procesi i vaksinimit si mjeti i vetëm për t’i dhënë fund pandemisë. Po mendoni të vendosni green pass për ambientet publike, si kafe e restorante. Jam skeptik që kjo mund të administrohet, në Tiranë janë 10 mijë bare, kafe dhe s’mund t’i vëmë polic që të zbatoje rregullin. Për më tepër që kultura e zbatimit të ligjit këtu te ne është e ulët, në 24 orë ne mendojmë si ta thyejmë ligjin, jo ta zbatojmë. Pse nuk merren masa për universitetet, hyjnë të gjithë si të vaksinuar dhe të pavaksinuar. Po i kthehen mësimit online. Po pse ky ishte qëllimi vaksinimit? Masat duhet të synojnë penalizmin e të pavaksinuarve dhe tu jepet avantazh këtyre të vaksinuarve, por po bëjmë të kundërtën.

Manastirliu: Për të patur një dimër sa më të lehtë, lind nevoja për të rritur mbulesën vaksinale sidomos tek të rinjtë. Kemi vendosur edhe detyrimin për paraqitjen e green pass për çdo universitet dhe jemi duke monitoruar më shumë kujdes mbulesën vaksinale. Ka patur rritje të mbulesës vaksinale në universitete, por ende nuk është aty ku duhet. Këtu kërkohet një ndërgjegjësim nga ana e të gjithëve, po bashkëpunojmë me universitetet. Në nuk rekomandojmë si bëhet mësimi, por kemi detyrim të themi se kushdo që paraqitet fizikisht duhet të jetë i vaksinuar. Sa i përket green pass, jemi duke e vlerësuar seriozisht.

 

- Reklama -

Më shumë nga kategoria




Të fundit

Strategjia detare 2035

NGA GJENERAL PIRO AHMETAJ Shqipëria jonë është e bekuar me mbi 450 km vijë bregdetare, ndërsa hapësira e interesave detare (det i brendshëm dhe territorial)...

Deklaratat për SPAK/ Hajdari: Politika të qëndrojë larg drejtësisë, “peshqit e mëdhenj” janë në rrjetë

Në daljet e fundit për mediat, kryeministri Rama është shprehur se po pret me padurim që SPAK-u të godasë nga të katër anët. Duket...

Plagoset ish kandidati për kreun e PS-së, ngjarja në lokalin e reperit të njohur

Ish-kandidati për kreun e Partisë Socialiste në Durrës, Ardit Kërtusha, është plagosur me armë zjarri mesditën e sotme. Ngjarja ka ndodhur në një lokal në...

Gazeta austriake zbulon skandalin e madh, stafi i Metës vihet në lëvizje. Ja çfarë do ndodhë

Presidenca ka reaguar pas artikullit në gazetën austriake "Kronen Zeitung", duke i cilësuar si shpifje dhe gënjeshtra të fabrikuara. Reagimi është përcjellë nga ana...

SPAK mes PD dhe PS

Dikur PD e drejtuar nga Lulzim Basha nuk besonte te SPAK, por më pas jo vetëm depozitoi disa denoncime por kërkoi i pari që...