Një 25-vjeçar është arrestuar nga policia me qëllim ekstradimin e tij në Itali.
Shtetasi M.GJ, në kërkim ndërkombëtar, është dënuar nga Gjykata e Ravenës për pjesmarrje në organizatë kriminale, trafikim narkotikësh dhe armë.
”M. Gj., 25 vjeç, banues në Durrës, pasi Gjykata e Ravenës, Itali, më datë 31.08.2020, ka lëshuar urdhër arresti për veprat penale “Pjesëmarrja në organizata kriminale për trafik narkotikësh”, “Trafikimi i narkotikëve” dhe “Shkelje e ligjit për armët”, parashikuar nga Kodi Penal italian’’, informon policia.
Operacioni u finalizua nga Drejtoria Vendore e Policisë Durrës, në bashkëpunim me Interpol Tirana.
Interpol Tirana, në bashkëpunim me Interpol Romën, po vijon procedurat për ekstradimin e këtij shtetasi drejt Italisë.
