E martë, 25 Janar, 2022
-4.5 C
Tirana

SHBA, sanksione ndaj 18 bankave në Iran

Qeveria e Shteteve të Bashkuara vendosi sanksione të reja ndaj 18 bankave iraniane ndërsa Uashingtoni rrit presionin mbi Teheranin duke e izoluar më tej atë nga sistemi bankar global dhe duke penguar përpjekjet e atij vendi për të prodhuar armë bërthamore.

Masat që u njoftuan nga Departamenti i Thesarit në një njoftim për shtyp, vënë në shënjestër 18 banka që deri më sot nuk ishin përfshirë në sanksionet e mëparshme të SHBA.

Sanksionet e reja do të ndihmojnë “t’i mohohen burimet financiare qeverisë iraniane që mund të përdoren për të financuar dhe mbështetur programin e saj bërthamor, zhvillimin e raketave, terrorizmin dhe rrjetet e lidhura me terrorizmin dhe ndikimin e tij keqdashës në rajon”.

“Masa e sotme për të identifikuar sektorin financiar dhe sanksionimin e tetëmbëdhjetë bankave kryesore iraniane pasqyron angazhimin tonë për të ndaluar qasjen e paligjshme tek dollarët amerikanë,” tha Sekretari i Thesarit Steven Mnuchin në një deklaratë. “Programet tona të sanksioneve do të vazhdojnë derisa Irani të ndalojë mbështetjen e tij për aktivitetet terroriste dhe t’u jape fund programeve të tij bërthamore.”

Zoti Mnuchin tha se SHBA “do të vazhdojë të lejojë transaksionet humanitare për të mbështetur popullin iranian”.

Sipas agjencisë së lajmeve Bloomberg, masa në thelb izolon Iranin nga sistemi financiar global.

Ekonomia e Iranit tashmë po vuante pasojat e kufizimeve dhe sanksioneve e miratuara nga administrata Trump kur SHBA dolën nga marrëveshja bërthamore e vitit 2015 me Iranin.

Bloomberg më tej njofton se persona që kanë dijeni për planifikimin e sanksioneve thanë se ato kanë dy qëllime: të parandalojnë regjimin që të fitojë para dhe për ta bërë më të vështirë për Shtetet e Bashkuara që të rihyjnë në marrëveshjen bërthamore nëse kandidati demokrat Joe Biden fiton zgjedhjet.

Lexo edhe :   Shtetet e Bashkuara pezullojnë 44 fluturime të linjave ajrore kineze
Lexo edhe :   Armët vdekjeprurëse amerikane mbërrijnë në Ukrainë

Sanksionet aktuale të Shtetevet të Bashkuara vënë në shënjestër shitjet e naftës, transportin dhe aktivitetet financiare, por përjashtojnë ushqimin, ilaçet dhe objekte të tjera humanitare.

Në qershor, Presidenti iranian Hassan Rouhani tha se vendi po përjetonte vitin e tij më të vështirë për shkak të sanksioneve dhe koronavirusit, raportoi Reuters.

- Reklama -

Më shumë nga kategoria




Të fundit

Ndërron jetë aktori i njohur turk, luajti në serialin “Ertogrul”

Aktori i njohur turk, Ayberk Pekcan, ka ndërruar jetë në moshën 51-vjeçare. I ndjeri ka luajtur në serialin “Ertogrul” dhe “Osman”. Mediat turke thonë se...

Gjirokastritët dhe korçarët më punëtorë, Lezha, Dibra dhe Tirana më “dembele”

Qarqe të ndryshme të vendit shfaqin sjellje ekstreme ndaj punës, pasi në disa prej tyre popullsia në moshë punë (+15 vjeç) shfaq një interes...

Makthi i Berishës nga institucionet që nuk e njohin

Nga: Mero Baze Sali Berisha tani ka nisur luftë me çdo institucion zyrtar, politik apo fetar që nuk e pranon më si Kryetar të PD,...

“Blindohen” zgjedhjet në Shoqatën e Tiranës, hyrja me kartë identiteti

Në orën 15:00 do të nisin zgjedhjet e Shoqatës Rajonale të Futbollit të Tiranës. Aktualisht është vënë re prezencë e forcave të policisë private,...

Nis hakmarrja pas përgjimeve, Tatimet ‘mësyjnë’ te bizneset e Armand Dukës

Bashkia e Tiranës me në krye Erion Veliaj, ka marrë zotimin për të "pastruar futbollin". Prokuroria e Tiranës ka nisur sot një hetim për...