Një 47-vjeçar është arrestuar në Krujë, me qëllim ekstradimin në Itali.
Agim (Artur) Likaj, është dënuar nga shteti italian, me 10 vjet burgim, për veprën penale “Pjesëmarrja në organizatë kriminale për trafikimin e narkotikëve.
”Ky shtetas ishte i shpallur në kërkim ndërkombëtar nga autoritetet italiane, pasi Gjykata e Milanos, Itali, më datë 10.09.2020, e ka dënuar me 10 vjet burgim, për veprën penale “Pjesëmarrja në organizatë kriminale për trafikimin e narkotikëve”, parashikuar nga Kodi Penal italian’’, informon policia.
Operacioni për kapjen dhe arrestimin e tij u finalizua nga Interpol Tirana dhe Policia e Krujës.
Materialet hetimore i kaluan Prokurorisë Pranë Gjykatës së Shkallës së Parë Durrës, për veprime të mëtejshme.
