Referuar modelit të zhvilluar për pandeminë e gripit të vitit 2009, për disa epidemiologë do të zgjasë edhe përtej fillimit të muajit prill. Sipas kërkuesve, numri i të infektuarve mund të jetë problematik, deri në mes të muajit prill.
Stefania Salmaso, epidemiologe dhe ish drejtuese e Qendrës Kombëtare të Epidemiologjisë, Mbikëqyrjes dhe Shëndetit në Institutin e Lartë të Shëndetit në Itali, shprehet se kulmi mund të arrijë në muajin prill. “Nëse modeli i vitit 2009 do ti ngjajë situatës aktuale, në rajonin e Lombardisë, kulmi i kurbës së epidemisë mund të pritet në mes të prillit, me valë të mëvonshme në rajonet e tjera të Italisë”.
“Shpresojmë që masat të mund të ngadalësojnë kurbën e epidemisë në pjesën tjetër të vendit, ndërsa është më e vështirë të parashikohet ndikimi në rajonet veriore, sepse ende ka shumë faktorë të panjohur në lidhje me parametrat biologjikë të virusit. Por padyshim të dhënat që mbërrijnë nga Kina janë inkurajuese, dhe se mundësojnë të kemi kufizim të përhapjes së infeksioneve”.
