Në konferencën për mediat me kryeministrin Rama dhe ministren e re Olta Xhaçka, ministri i Jashtëm i dorëhequr, Gent Cakaj, deklaroi se gjatë dy viteve në krye të kësaj ministrie, pandemia e tërmeti cenuan punën e diplomacisë. Po kështu, ai zbuloi se do të vazhdojë të japë angazhimin e tij për Shqipërinë.
Në fjalën e mbajtur, Cakaj deklaroi se do të vazhdojë të qëndrojë në Shqipëri dhe pas dorëheqjes, ndërsa shprehu mbështetjen e plotë për Xhaçkën.
“Unë do të vazhdoj aktivitetin tim në Shqipëri, në çfarëdo përgjegjësie që do të më gjejë e nesërmja. Unë do të jem mbështetësi juaj më i madh, që ju të shkëlqeni si një zonjë e hekurt në krye të diplomacisë shqiptare.
Nuk kam sesi ta mbyll fjalën ndryshe, përveçse të falenderoj stafin e Ministrisë së Jashtme, asgjë nuk do të kishte qenë e pamundur për ju. I shtrij dorën e bashkëpunimit zonjës Xhaçka dhe falenderoj kryeministrin për atë që më është besuar”, u shpreh Cakaj gjatë fjalës së tij.
