Kryeministri rus, Dmitry Medvedev ka njoftuar ditën e sotme dorëheqjen e qeverisë së tij.
Deklarata e tij erdhi direkt pas fjalimin të presidentit Putin, ku propozoi disa ndryshime të reja në Kushtetutë. Mediat e huaja shkruajnë se Putin e ka pranuar dorëheqjen, ndërsa iu ka kërkuar ministrave që të funksionojnë si qeveri e përkohshme deri në formimin e qeverisë së re.
Më tej, Putin njoftoi se po planifikon krijimin e një pozicioni të ri si zëvendës sekretarit të Këshillit të Sigurisë të Rusisë, dhe t’ia ofrojë atë Medvedev.
