Ish-presidenti Donald Trump ka folur kundër aktorit Alec Baldwin, duke thënë se vdekja tragjike e Halyna Hutchins në setin e “Rust”, nuk ishte domosdoshmërisht një aksident.
“Ai është një djalë i trazuar. Ka diçka që nuk shkon me të. E kam parë prej vitesh. Ai grindet me gazetarët”, tha Trump. Baldwin ka thënë se të shtënat me armë ishin një “aksident tragjik”, dhe pohoi se atij iu tha se arma nuk ishte e mbushur.
Nga ana tjetër, Trump deklaroi se Baldwin nuk duhej ta kishte drejtuar armën drejt një anëtari të stafit, qoftë e mbushur apo jo.
“Si mund ta marrësh një armë dhe thjesht, pavarësisht nëse është e mbushur apo jo e mbushur, si e merr një armë, drejtoje atë në dikë që nuk është as në film dhe tërhiq këmbëzën. Dhe tani ajo ka vdekur”, u shpreh Trump.
Ai shtoi se nëse do t’i jepej një armë, fillimisht do të gjuante në ajër. “Është e çuditshme”, tha Trump. “Kush do të merrte një armë dhe do t’ia drejtonte një kineaste, dhe do të tërhiqte këmbëzën”.
Trump vijoi të pyeste se si arma ishte e mbushur me municion të vërtetë. “Sado keq që mund të jetë mbajtur, do të thotë se ju i njihni njerëzit që kujdesen për pajisjet, armët dhe gjithçka tjetër… Por edhe nëse ishte e mbushur, dhe kjo është një gjë e çuditshme – ndoshta ai e ka mbushur atë”, tha ai.
Burimi i lajmit: deadline. Përshtatur nga Tirana Today
