Përplasjet e fundit brenda së djathtës janë komentuar nga kryetari i PDK-së, Nard Ndoka. Ai nuk e konsideron si një përçarje ajo çfarë po ndodh mes Bashës e Berishës, por si një shenjë ringjallje brenda së djathtës.
I ftuar në emisionin “Breaking” në Top News, Nard Ndoka, theksoi se Berisha nuk po kërkon të marrë drejtimin e partisë dhe të jetë kryeministri i vendit, po ta kthejë PD në shinat institucionale.
Ish-kryeministri Sali Berisha ka paralajmëruar aksionin e radhës, pas përjashtimit nga grupi parlamentar i Partisë Demokratike. Berisha ka thirrur një bashkëbisedim me demokratët në Tiranë, që do të zhvendoset në mbarë vendin.
“Nuk shoh një përçarje, shoh një ringjallje të PD-së, se është një agjendë interesante. Së pari ka nevojë të çlirohet nga Basha. Nuk e shoh Bashën si pretendent për kryeministër më, në aspektin e aksioneve politike.
Ai ka qëndruar se kishte njëlloj paragjykimi se ka mbështetjen e Berishës, ai mund ta mbajë peng PD, por nuk mund t’i japë shpresë. PD do të çlirohet edhe nga Basha dhe Berisha.
Ai lirohet nga vendimi, Berisha do ta hapë akoma më tepër lidershipin. E do të krijojë një hark opozitar akoma më të gjerë, padiskutim se ka mundësitë dhe besimin ta bëjë një gjë të tillë. Berisha nuk po kërkon të marrë drejtimin e partisë dhe të jetë kryeministri i vendit, po kërkon ta kthejë PD në shinat institucionale dhe të jetë një parti sovrane, të marrë një vendim pa diktat dhe trysni”, tha Ndoka.
