Pas miratimit të Vendimit të Këshillit të Ministrave, do t’u jepen dokumentet e pronësisë banorëve të Vlorës për së paku 120 objekte, që kanë kaluar fazën e vetëdeklarimit. Lajmin në fjalë e ka përcjellë deputeti i PS, Damian Gjiknuri , i cili ka shprehur falenderimet ndaj kryeministrit Rama, Ministres së Financave dhe Ekonomisë, Anila Denaj dhe Agjencisë Shtetërore të Kadastrës.
Gjiknuri citon se ky akt i hap rrugën Agjencisë Shtetërore të Kadastrës, për të kryer brenda pak kohësh legalizimin dhe dhënien e dokumenteve të pronësisë për banorët e së paku 120 objekteve që kanë kaluar fazën e vetëdeklarimit. Kjo i jep fund kalvarit të tyre 15 vjeçar në kushtet e pamundësisë për certifikimin e pasurisë.
Statusi
Lajm i mirë miratimi i Vendimit të Këshillit të Ministrave për ndryshimin e kufirit të zonës ekonomike ZK 8604 në qytetin e Vlorës. Ky akt i hap rrugën Agjencisë Shtetërore të Kadastrës për të kryer brenda pak kohësh legalizimin dhe dhënien e dokumenteve të pronësisë për banorët e së paku 120 objekteve që kanë kaluar fazën e vetdeklarimit. Një angazhim i marrë para banorëve dhe premtim i mbajtur që i jep fund kalvarit të tyre 15 vjeçar në kushtet e pamundësisë për çertifikimin e pasurisë. Një falenderim i veçantë për Kryeministrin Rama, Ministren e Financave dhe Ekonomisë ashtu sikurse Agjencinë Shtetërore të Kadastrës për punën e bërë gjatë këtyre muajve për ti dhënë zgjidhje këtij problemi.
