Pas deklaratave të Ramës nga qyteti i Beratit lidhur me heqje nga skema e ndihmës ekonomike te një pjese të mirë të familjeve në nevojë, menjëherë ka reaguar kreu i PD-së Lulzim Basha.
Sipas Bashës të gjitha deklaratat e Kryeministrit janë mashtrime.
“A ka njeri që e beson mashtrimin e Ramës sot nga Berati se njerëzit preferojnë të marrin 50 mijë lekë ndihmë ekonomike në vend që të punësohen me rroga 400 mijë lekëshe”-shkruan Basha
Bashkëngjitur shkrimit të tij Basha ka vendosur dhe një video ku një pjesë e familjeve janë përjashtuar nga skema e ndihmës ekonomike, ku këta të fundit shprehen të indinjuar përballë këtij fakti.
“Realiteti flet vetë me gojën e këtyre banorëve të Beratit, aty ku banda qeveritare po harxhon sot e nesër miliona lekë për ekskursionin e fundjavës, por asnjë kacidhe për njerëzit në nevojë ekstreme.”- shkroi Basha ndër të tjera
