Pandemia ka mbërthyer vendin tonë, e ndërsa kurba e të infektuarve njeh rritje. Po kështu edhe numri i personave që kanë humbur betejën me COVID-19, nuk është i vogël. Ministria e Shëndetësisë ka reaguar pas ndarjes nga jeta të një pacienteje sot në Tiranë. Ministria ka sqaruar se 58-vjeçarja ka ndërruar jetë nga tumori.
“Nuk ka humbje jete nga COVID-19. 58-vjeçarja ndërroi jetë si pasojë e tumorit”, thuhet në reagimin e Ministrisë.
“Referuar shërbimit Infektiv, pacientja 58-vjeçare që ka ndërruar jetë ka qenë asimptomatike për COVID-19, dhe ka ndërruar jetë si pasojë e sëmundjes tumorale.
58-vjeçarja vuante nga leukoza akute, formë e rëndë progresive si dhe semundje të tjera bashkëshoqëruese, diabet mellitus, hipertension”.
