Një ngjarje e rëndë kishte ndodhur mbrëmjen e djeshme në Vlorë, ku një i ri humbi jetën pasi u godit me thikë pas një sherri.
Aleksandër Petanaj, 25 vjeç ka humbur jetën si pasojë e goditjes së marrë me thikë në zemër. Ngjarja u regjistrua mbrëmë rreth orës 23:00 në zonën e Pyllit të Sodës.
Gjithçka kishte nisur pas një konflikti që vëllai i tij më i vogël, 18 vjeç, kishte me një grup të rinjsh. Viktima ndërhyri për ta mbrojtur, por njëri prej tyre e ka qëlluar me thikë në zemër.
Ndonëse mjekët tentuan ta mbanin në jetë, ai nuk mundi t’i rezistonte plagës së marrë.
Policia po heton për zbardhjen e rrethanave të ngjarjes, ndërsa ende nuk dihet autori i atentatit.
Fotot e siguruara nga BalkanWeb
