Fredi Agastra, u nda nga jeta në moshën 58-vjeçare pas një ataku kardiak. Drejtuesit të lartë të Policisë i është dhënë ditën e sotme lamtumira.
Në nder të tij, sot janë mbajtur homazhe nga kolegët, miqtë dhe familjarët e tij.
“Homazhe për nder të drejtuesit të lartë të Policisë, Fredi Agastra, i cili për 37 vite shërbeu në radhët e Policisë së Shtetit me përkushtim, ndershmëri e sakrificë.
Ai u nda nga jeta para kohe, pas një arresti kardiak, në moshën 58 – vjeçare. Drejtues i Parë Fredi Agastra ishte simbol i urtësisë, mençurisë dhe profesionalizmit.
I përjetshëm qoftë kujtimi yt, miku, shoku e kolegu ynë!”, shkruhet në një postim të bërë publike në faqen zyrtare të Policisë së Shtetit.
