Kryeministri Edi Rama është zhvendosur këtë pasdite në Tropojë, në kuadër të fushatës elektorale, ku prezantoi dhe kandidatin socialist për zgjedhjet e 30 qershorit.
Gjatë fjalës së mbajtur para elektoratit, Rama ka ndarë kujtimet e tij, teksa tha se vite më parë, gjatë muajve të verës, bënte praktikën në Tropojë.
“Unë kam qenë këtu vite më parë. Bëja praktikën gjatë muajve të verës këtu”, u shpreh Rama.
Ndërkohë, Rama nuk ka lënë pa ironizuar në këtë fushatë rivalët e tij politikë.
“Imagjinoni të jesh Fatmir Mediu çfarë sikleti, që nuk e ka njeri në hesap. Jo, Nardi është një nivel më lartë se ia ka zënë vendin Ilir Meta me fjalinë “shantazhin ndaj gjykatësve e pashë në fotografi”. Nard Ndoka këtë nivel nuk kishte kapur.
Meqë ra fjala tek Ilir Meta, dy fjalë do i them Ilir Meta ka marrë përsipër molotovët institucional, ka marrë përsipër të gjuajë me molotov dekretesh zgjedhjeve, ti gjuaj me molotov fjalësh ndërkombëtarët. E patë si tha, nuk kam anuluar zgjedhjet në Amerikë që të merrem me Amerikën, aq në Itali që të merrem me Italinë. Ça t’i bësh, është ky vend që e rrotullon e rrotullon dhe e nxjerr nga një Haxhi Qamil. Një shpikje e ka bërë Ilir Meta, që nuk e ka bërë njeri në botë, e firmosa po me firmën time anuloj firmën time, se është firma ime. Ca është kjo?”, deklaroi Rama.
