Manastirliu dhe nga radhët e bluzave të bardha, çdo ditë i mëshojnë fort faktit se për të mbrojtur jetën, duhet distancimi dhe vendosja e maskës. Kjo masë e qeverisë vjen në një kohë kur nga jugu i vendit, pushuesit kanë shpërndarë foto nga kluve nate të ndryshme, të cilat ofrojnë muzikë të lartë deri në orët e para të ditës.
Pas fotove e videove që bëjnë xhiron e rrjetit, ku të rinjtë kërcejnë pa distancë e pa maskë, ka dhënë sinjalet e para tek Ministria e Shëndetësisë.
Ogerta Manastirliu njoftoi në një deklaratë për mediat, vendimin e ri të qeverisë për mbylljen e lokaleve të natës në ambjente të hapur dhe të mbyllura, si pasojë e situatës Covid.
Njoftimi
Me vendimin e Qeverisë, nga sot hyn në fuqi Akti Normativ i cili:
– Ndalon hapjen e klubeve të natës, diskove, lounge bareve dhe çdo lloj shërbimi të kësaj natyre në mjedis të mbyllur apo të hapur, përveç restoranteve. Mosrespektimi i këtij detyrimi nga subjektet, dënohet me gjobë 3 000 000 lekë dhe me pezullim të aktivitetit për një periudhë një vjeçare.
– Ndalon muzikën pas orës 20:00 në të gjithë mjediset e shërbimeve të çfarëdolloji. Mosrespektimi i këtij detyrimi nga subjektet, dënohet me gjobë 1 000 000 lekë dhe në rast përsëritje, me pezullim te aktivitetit për një periudhë gjashtë mujore.
?Ministrja Manastirliu: Prioriteti ynë Nr.1 është mbrojtja e jetës së qytetarëve. Me vetëm këtë prioritet në mendje, do të marrim të gjitha masat e nevojshme.
