Ka nisur protesta e opozitës së bashkuar me thirrje, daulle e me gishtat lart nga simpatizantë të PD-së. Po ashtu, janë hedhur edhe tymuese në drejtim të Kryeministrisë që në nisje të protestës.
Ish-deputeti Flamur Noka ka marrë fjalën teksa ka hipur në një podium, për t’u kërkuar protestuesve herë pas here që t’i ndiqnin.
Teksa ka akuzuar kryeministrin Rama, Noka tha se ai duhet të zhduket menjëherë, ndërsa ka përsëritur thirrjen për ta ndjekur atë dhe turmën.
Menjëherë pasi ka mbaruar fjalën, turma ka nisur marshimin, teksa do të bëjë një rrethim simbolik të Kryeministrisë. Kjo pasi të gjithë protestuesit do dalin në Unazë dhe do rrotullohen për të dalë sërish te sheshi para Kryeministrisë, duke rrethuar këtë institucion në mënyrë simbolike./ Tirana Today
