Për deputetin Myslim Murrizi, garimi i ish-nënkryetarëve të PD-së në parti më vete nuk ishte lëvizje e mirë.
Ai deklaroi se do të ishte e mira që ata të bashkoheshin dhe të rimerrnin drejtimin e PD-së dhe të luftonin për atë parti.
“Zyrtarisht të shohim. Përveç Murrizit dhe Patozit, këto dy të tjerat nuk janë regjistruar. Unë dhe Rudina jemi të vetmit që në 30 vite kemi krijuar një forcë politike pa qenë në majën e piramidës së PD. Të gjithë që kanë qenë në PD. Ish-nënkryetarët e PD-së, unë dhe tre të tjerë nuk kemi qenë funksionarë. Të gjithë ish-nënkryetarët luftonin për të marrë atë parti ku ishin zëvendësa”, u shpreh Murrizi.
Gjithashtu, Murrizi shprehu dhe dëshirën e bashkimit në një forcë të përbashkët kundër qeverisë së kryeministrit Edi Rama.
“Këta që mendojnë se pas këtyre bëhet qameti nuk e di se si mund t’i quaj. Beteja jonë është në 25 prill kështu që i uroj suksese të gjithëve. Qytetarët kanë në dorë vlerësojnë kandidatët. Dëshira është që të ketë një qeveri kundër kësaj qeverie që është”, tha Murrizi në ‘Report Tv’.