Kreu demokrat Lulzim Basha, ka pasur dje një takim me mjekët e familjes, ku është njohur me problematikat e ngritura prej tyre. Sipas Bashës, numri i të sëmurëve dhe fataliteteve, krahasuar me një apo dy javë më parë është shumë më i rritur nga sa raportohet.
Mjekët e familjes nga zona të ndryshme të Tiranës, thanë se numri i rasteve me Covid është shumë i lartë, dhe QSUT nuk mund t’i përballojë, ndërsa theksuan se mungon aparatura për saturimin e oksigjenit.
Mjekët thanë se duhen dy javë deri në marrjen e përgjigjes së tamponit, nga dita që raportohen simptomat, dhe se nuk bëhet tampon për të gjithë pjesëtarët e familjes.
Por ndryshe nga ajo çfarë u pasqyrua, në fakt realiteti ishte krejt tjetër. Basha nuk ka mbajtur një takim me mjekë familje, pasi disa prej tyre janë simpatizantë të PD-së.
Kush është kandidati i PD-së në garë për deputet, që ngriti alarmin për COVID-19
Një “mjek” i prezantuar nga kryedemokrati Lulzim Basha në takimin e tij, është votuar nga anëtarësia për kandidat për deputet në njësinë numër 4. Bëhet fjalë për Mirgen Zacellarin. Ai akuzoi te Basha se fluksi në QSUT është shumë i madh, aq sa nuk mund të përballohet.
Basha në takim me burrin e ish- deputetes së PD
Basha zhvilloi një takim me mjek familjeje, siç ai i prezantoi, të cilët ngritën alarmin se situata e COVID-19 është shumë e rëndë. Ai që u shtir si mjek, është bashkëshorti i ish- deputetes së PD-së, Oriola Pampuri, Henrik Zotaj.