Eneda Tarifa ka bërë një rrëfim tepër të sinqertë për marrëdhënien e saj me të bijën, duke prekur publikun.
E ftuar në emisionin “Treshat”, këngëtarja rrëfeu se shumë herë, në mënyrë të pavetëdijshme, nervat dhe streset e punës ia shkarkon të voglës së saj, Arias.
“Ndodh, por e marr dhe ja shpjegoj, madje shpesh i kërkoj dhe falje. Unë di të them më fal. Vajzës i kërkoj shpesh falje”, u shpreh këngëtarja e emocionuar, duke marrë duartrokitjet e sallës.
E pyetur nëse mendon për një martesë të dytë në të ardhmen, këngëtarja u përgjigj: “Ndoshta po. Po të gjej njeriun e duhur, po”.
