Politikë

“E kam mik kryeministrin”, ish-ministri komenton deklaratën e pronarit që dhunoi turistët

               Publikuar në : 15:06 - 18/08/19 Enno

Ish-ministri i Drejtësisë, Ylli Manjani ka komentuar deklaratën e Mihal Kokëdhimës, pronarit të lokalit që terrorizoi turistët spanjollë.

Gjatë fjalës së tij të mbajtur në gjykatë, ndër të tjera Kokëdhima tha se “e ka mik kryeministrin, por ai ka harruar”.

Ish-ministri ironizon kryeministrin Rama, teksa deklaron se vetëm miqtë e tij sulmojnë e dhunojnë sipas qejfit se nuk kanë frikë.

“Po, sigurisht që e ke mik! Nuk ka nevojë ta përsëritësh. Po nuk qe miku i Tij, nuk merr dot guximit të sulmosh dynjanë”, shkruan Manjani në postimin e tij.

Postimi i plotë:

“E kam mik Edi Ramën”- tha Mihali sot.

Po, sigurisht që e ke mik! Nuk ka nevojë ta përsëritësh. Po nuk qe miku i Tij, nuk merr dot guximit të sulmosh dynjanë.

Vetëm miqtë e Tij, sulmojnë e dhunojnë sipas qejfit se nuk kanë frikë.

Miq kemi dhe ne të tjerët, por nuk i nxisim të sillen kafshërisht me të tjerët.

Pa dyshim që e ke mik!

Dhe je nga ato miqtë që do të duhet të kalosh ca ditë në burg, se edhe Atij i janë shtuar miqtë e duhet tu shesë disa prej jush”, shkruan Manjani.

Ndërkohë, jashtë gjykatës, avokati mbrojtës i Kokëdhimës sqaroi mediat se klienti i tij e bëri këtë deklaratë, ‘pasi Rama i ka kërkuar votën ashtu sikurse ka bërë me të gjithë jugun.’

Kthehu
WhatsApp Denonco ne TT