Kreu i AKR-së, Behgjet Pacolli, ka shprehur shqetësimin e tij lidhur me plagosjen e një polici mëngjesin e sotëm në Prishtinë.
Një efektiv i Policisë së Kosovës, u plagos me armë zjarri nga disa persona që po tentonin të grabisnin para nga një bankomat.
Pacolli teksa e konsideron tepër shqetësuese këtë ngjarje, kërkon që sa më shpejt të zbardhet rasti në fjalë, dhe që autorët të ndëshkohen.
Statusi
Shumë shqetësuese lajmi për grabitje dhe të shtënat në polici. Diçka që mund të kishte rezultuar edhe me viktima. Shpresoj për një zbardhje të shpejtë të rastit dhe ndëshkim për këta kriminelë të cilët duhet të kuptojnë se ajo që nuk është e jotja nuk bëhet kurrë e jotja. Jam i lumtur që ky polic është mirë dhe është liruar për në shtëpi.
